حلف بالطلاق ألا يأخذ مالا من أمه فألحّت عليه أن يأخذ منها فأخذ، فما الحكم؟

السائل:
السلام عليكم. وعليكم السلام، ارفع صوتك أبو عبد الله تفضل. كبار الخير إنت والشيخ. الله يحييك، تفضل. يا شيخ طال عمرك أنا عندي الوالدة. جت قالت لي اشتري لي سيارة وجيت أبي أشتري لها سيارة. وهي أمورها زينة ووضعها زين وأنا كذلك وضعي زين وأموري زينة وحبيت إني أشتري لها السيارة من عندي فقالت السيارة قلت خلاص السيارة وحلفت لها بالطلاق إنها ما تدفع فيها ولا ريال يا ولدي يا ولدي وكررت الحلف مرة ثانية. المهم طال عمرك هي كان عندها سيارة قديمة وباعتها و. لما اشتريت السيارة دفعت فلوسها للوكالة وطلعت السيارة. جت عندي الوالدة وقعدت تبكي وتقول تكفى عشان ترضيني أقل حاجة خذ فلوس سيارتي القديمة وزدها. لا يعني أنا ما ماني في حاجة ولا ولا. فالحقيقة إني تعاطفت مع ودي يعني ما أبغى أشوف لها تبكي ولا ترجاني. بالعكس يعني الفضل والمنة لله رب العالمين ثم لوالدتي. فرحت وتقدير لوضعها أخذت فلوسها وزدت عليها واشتريت السيارة الجديدة. فايش وضعي هل هو كفارة يمين ولا أدفع له الفلوس كلها ولا إيش رأيك إيش؟ طيب شكرا. شكرا.

الشيخ:
أنت تقول إنك اشتريت لها سيارة ثانية غير الأولى اللي من مالك ها؟ خلوه يوضح.

المقدم:
نعم يا شيخ انقطع الخط، تفضل.

الشيخ:
أقول إذا كان اشترى لها سيارة من مالها وزود عليه يعني باع سيارة القديمة التي تملكها الوالدة وزود عليها واشترى لها سيارة جديدة ورضيت بذلك فالحمد لله انحلت المشكلة واللي السيارة اللي عليها الطلاق هذه ما ترجع إليه ترجع إليه ولا تكون للوالدة. نعم.

السائل:
وإذا كانت يا فضيلة الشيخ هي يعني رأفة به لا تريد أن تأخذ شيئا من ماله أو يشتري لها من ماله.

الشيخ:
نعم، الجواب ما ذكرته، ولكن إذا كان فيه طلاق كما يقول، الطلاق يرجع فيه إلى المحكمة عند القاضي، أو إلى دار الإفتاء في الرياض؟ نعم.