الشيخ : نعم .

السائل : السلام عليكم ورحمة الله وبركاته شيخنا .

الشيخ : وعليكم السلام ورحمة الله وبركاته أهلين أبو عبد الله .

السائل : كيف حالكم شيخنا .

الشيخ : والله بخير الحمد لله .

السائل : شو بتقولي أم عبد الله إنه مش عم تردوا عالتلفون مشان شوية .

الشيخ : كيف كل ليلة بنرد على التلفون .

السائل : والله بتقولي حكيت مع إم الفضل بتقول أنه الشَّيخ شوي صوته خوفتني .

الشيخ : لا كل ليلة عم نرد لكن السهرات ما عم نروح .

السائل : آ آهآه .

الشيخ : مهي هَيْ بتعرفها أنت .

السائل : آ .

الشيخ : هلا إحنا في استجمام وراحة .

السائل : ههه يعطيكم العافية .

الشيخ : أما بالنسبة للأسئلة ماضين نحنا .

السائل : ... أخونا أبو اليسر كان اقترح شاورنا بموضوع أنه يدرس في البخاري أو بغيره وكنت أنا من الموجودين في الاستشارة وبعض الشباب تبعون مسجد التقوى .

الشيخ : مهو استشارني .

السائل : آ هو ما كان معي خبر شيخي .

الشيخ : كيف .

السائل : أنا ما كان معي خبر استشارتك .

الشيخ : طيب .

السائل : فكنت أنا يعني بدي أقول لك شغلة أنا حكيتها .

الشيخ : آ .

السائل : واعذرني يعني هذا .

الشيخ : آ .

السائل : وحكالي بعدين .

الشيخ : آ .

السائل : ... قلت له والله أنا يعني بالنسبة رأيي أنه الإخوة بدرسوا عندنا علم حديث وفقه وعندنا درس قرآن كله ... صحيح البخاري ما حدا بدرسه وشيخنا تعب عليه واشتغل فيه ثلاث مجلدات ومختصرة فأنت لو أنك بتدرس البخاري هالأحاديث المهمة جدًّا فيه والأشياء المكررة ... والمختصر فيه خير حتى الشباب بصير عندهم يعني حيوية ونشاط للبخاري وللأحاديث اللي جاءت فيه وفيه أثار عظيمة جدًّا ... هالكلام هذا وكونك أنت كنت تحت إيد الشَّيخ يعني وعندك خبرة في البخاري يعني المهم بعد ما حكيت له ... ولا هو بعدين على الشقة وقال لي أنا استشرت الشَّيخ والشيخ أشار علي أنه يعني موضوع البخاري وذكر رأيك يعني .

الشيخ : أي نعم .

السائل : ... والترغيب .

الشيخ : أي نعم .

السائل : قلت كنت أنا حاس يعني في معرض كلامي قلت مهو الأحاديث اللي في الترغيب والترهيب والأحاديث اللي في رياض الصالحين كلها أحاديث النبي - صلى الله عليه وسلم - والبخاري أحاديث النبي - صلى الله عليه وسلم - فشو يعني الموضوع اللي فيه هذا فبعدين ذكر لي رأيك .

الشيخ : أيوا .

السائل : فقلت أنا حاب أسأل الشَّيخ وكون الشباب طالبينه يعني طالبين الحديث من البخاري فقلت ليش ما أنا ... الشَّيخ بذاته فعشان هيك أنا اتصلت فيك .

الشيخ : أبو العبد البخاري من العيار الثقيل .

السائل : أيوا .

الشيخ : ما يصلح تدريسه إلا لأشخاص إلهم ثقافة شرعية عالية .

السائل : نعم .

الشيخ : يعني دراسة البخاري بده من طبقة أبو اليسر وأمثاله .

السائل : أيوا .

الشيخ : أما هيك درس عام هذا ما يصلح لأنه في بحوث عميقة .

السائل : أيوا .

الشيخ : بينما رياض الصالحين مكارم أخلاق والآداب ونحو ذلك .

السائل : أيوا .

الشيخ : فهذا يليق بتدريسه في المسجد لأنه المسجد لا يمكن أن تخصصه بأفراد أنت تختارهم بخلاف الدرس اللي هو في البيت اللي ما بيستطيع أحد يدخل إلا بعد الاستئذان فممكن أي درس مثلًا في اللغة العربية في آدابها في أي علم من العلوم هاللي تتطلب سوية معينة من الثقافة .

السائل : أيوا .

الشيخ : هذا ممكن يكون درس خاص في بعض البيوت .

السائل : أيوا .

الشيخ : أما في المسجد تيجي تدرس صحيح البخاري وصحيح مسلم هذا ما يناسب بينما رياض الصالحين للإمام النووي والترغيب والترهيب للحافظ المنذري .

السائل : تمام .

الشيخ : هدولي كما تعلم أسلس وأقرب لقلوب الناس .

السائل : أيوا .

الشيخ : هذا وجهة نظري .

السائل : أيواأيوا آ الله يجزيكم الخير .

الشيخ : الله يحفظك .

السائل : مش إحنا في طلبة علم هدول اللي هم فعلًا مش يعني .

الشيخ : يا أخي أوَّلًا لاحظ عم أقول لك مسجد .

السائل : آ مسجد .

الشيخ : مسجد .

السائل : ... .

الشيخ : لكان .

السائل : هيك وهيك .

الشيخ : آ .

السائل : أيواأيوا آ الله يجزيكم الخير شيخنا .

الشيخ : الله يحفظك .

السائل : الله يقويكم إن شاء الله .

الشيخ : أهلًا وسهلًا .

السائل : الله يبارك فيكم شيخنا .

الشيخ : الله يسلمك .