الطالب : هذا اللي بدي أقوله في موضوع عملنا .

الشيخ : آ .
الطالب : شيخي ، حقًّا يعني أنا من الثلاث وسبعين بشتغل نسائية وتوليد كل سنة عن سنة بتزداد صعوبة .
طالب آخر : يعني صار له عشرين سنة .

الشيخ : الله أكبر !
الطالب : بتزداد صعوبة يعني بتثقل آ والله ، يعني أذكر حسب ذاكرتي وأنا صغير وأنت بتذكر يا شيخي من العمر وما شاء الله الله يطول عمرك .

الشيخ : الله يحفظك .
الطالب : أنه ما كان هناك شيء اسمه خُلاصة تحت وماتت المرأة وهي بتولد مشان خُلاصة تحت نزفت إلى الموت ، يعني هالأيام هذه يعني المضاعفات في الحمل تكاد تكون هي الأغلب .

الشيخ : الله أكبر .
الطالب : هذه واحدة ، اثنين : زي ما تفضلت شيخي إنه عدد النساء اللي بتخصص نسائي وتوليد قليل جدًّا .

الشيخ : اممم .
الطالب : وبالتالي أنا حقًّا لا أؤمن لأي سيدة أنها تشتغل عمليات جراحية لأنهم بيشوفوا الدم بيموتوا خوف بيصفرنوا مرات شيخي ، ما بيستطيعوا يعالجوا بالطريقة الصحيحة ، هذا لا يعني إنه نقول إنه الابتعاد عن النساء ، النساء يستطعن في غالبية الأحيان إنهم يقوموا بالواجب إذا كان عددهم كافي ، لكن في بلدنا عددهم قليل جدًّا ، يعني بتعدهمش على أصابعك ، أصابع اليد .

الشيخ : أيوا .
الطالب : الطبيبات الموجودات فهذه نقطة .