السائلة : كتير بتوجعني يعني إسا أنا اليوم الثاني في العملية .

الشيخ : طيب ، بتقدري تصبِّي الماء .

السائلة : هاه .

الشيخ : بتقدري تصبي الماء على راسك ولا بضرك ؟ .

السائلة : والله أنا ما بعرف أنا على كل بكرة بدي أتصل بالدكتور نفسه وأسأله أتحمم ولا لا ، إذا حكالي لا احتمال لا لأنه شو اسمه حطولي عليها دواء وسكروها لأن غرز مخيطة .

الشيخ : إذا قال لك ما بجوز من الناحية الطبية تتحممي ، بتتيممي وبتصلي ولا تأخري ولا صلاة واحدة .

السائلة : كيف يعني أتيمم ؟

الشيخ : يعني بتضربي بكفيك على الأرض ضربة وحدة .

السائلة : إيدي كفوف إدي .

الشيخ : آ ، كفوف إديك .

السائلة : على الأرض .

الشيخ : على الأرض .

السائلة : آ .

الشيخ : آ ، وبعدين بتمسحيهم ببعضهم البعض هيك عرفت شلون واحد مثلًا شلون واحد إذا ندم على شيء بدير كف على كف ، آه وبعدين بتمسحي بالكفين وجهك وهذا بيغنيك عن الحمام .

السائلة : ولما آجي أصلي عن كل وقت صلاة أتوضأ عادي .

الشيخ : تتوضي كالعادة ، لكن مو عن كل وقت ، أنت راح تطهري مو هيك ؟ .

السائلة : آ ، أنا بدي أتطهر طهور للصلاة من العادة .

الشيخ : إي خلص بتتوضي متل ما بيتوضو الناس وبتصلي بهالوضوء كل صلاة حتى ينتقض وضوئك بناقض من نواقض الوضوء مش لكل صلاة يعني مش ضروري .

السائلة : يعني لما ينتقض وضوئي مثلًا أتوضأ عادي .

الشيخ : أيوا .

السائلة : آ ، زي ما حكيت أضرب بكفي على الأرض .

الشيخ : أيوا .

السائلة : أمسحهم ببعض وأمسح وجهي .

الشيخ : أيوا .

السائل : كم مرة ؟

الشيخ : مرة واحدة .

السائلة : وما أحكيش مثلًا آيات وأحاديث .

الشيخ : لا لا بس بتقولي بسم الله في أول التيمم ، مثل ما بتقولي بسم الله في أول الوضوء .

السائلة : وأحكي بسم الله وبتيمم .

الشيخ : بس .

السائلة : بس خلص .

الشيخ : بس خلص .

السائلة : وبجوز أصوم .

الشيخ : ولا بعد ما بتطهري بتصومي مثل ما بتصلي .

السائلة : طيب ماشي .

الشيخ : يلا .

السائلة : شكرًا لك شيخ .