السائل : السلام عليكم ورحمة الله وبركاته شيخنا .

الشيخ : وعليكم السلام ورحمة الله وبركاته ومغفرته .

السائل : الله يسعد أوقاتك يا شيخنا .

الشيخ : الله يحفظك ولك مثل ذلك .

السائل : يا شيخنا يعني إذا بتتكرم علينا إحنا بنعرف البرنامج تبعكم ولكن والله الأمر عارض وامبارح اتصلنا فيكم مش موجود كنت يا شيخنا .

الشيخ : خير إن شاء الله .

السائل : بدها تصوم المرأة بدنا نعرف تصوم والا ما تصوم .

الشيخ : تفضل .

السائل : الله يزيد فضلك يا شيخنا .

الشيخ : آمين .

السائل : هذي المرأة يا شيخ من جهلها راحت على طبيب بأول رمضان على أساس يعطيها حبوب لتأخير العادة الشهرية .

الشيخ : أيوا .

السائل : وهذي المرأة مركبة لولب .

الشيخ : أيوا .

السائل : والحبوب تعارضت مع اللولب فصار ينزل عليها الدم كل يوم .

الشيخ : أيوا .

السائل : فهي بتعتبر أن هذا الدم ليس دم حيض فاستمرت بالصيام .

الشيخ : أيوا .

السائل : فالآن هي متضايقة جدًّا من الدم اللي بينزل بتسأل سؤال لكثرة الاقتراحات من النساء إلها بتقول أيش أعمل إذا كان أنا بدي راحت سألت الطبيب هي قال لها إذا بدك توقفي الحبوب الدورة تبعتك بتستمر خمسة عشر يوم وميعاد دورتها بييجي بكرة مثل ما تقول شيخنا .

الشيخ : أيوا .

السائل : فإذا وقفت الحبوب بدها تيجي الدورة خمسة عشر يوم .

الشيخ : إذا أيش إذا الحبوب بدها تاخذها والا بدها تتركها .

السائل : بدها هي بتسأل إذا تركتها بتستمر الدورة خمسة عشر يوم وإذا استمرت على الحبوب بده ييجها الدم كل يوم .

الشيخ : أيوا .

السائل : تنصحوني أيش أعمل وهل هذا يؤثر عل صيامي .

الشيخ : أيوا .

السائل : فهي بدها نصيحة .

الشيخ : هذه مشكلة .

السائل : والله مشكلة يا شيخ .

الشيخ : مشكلة جنتها بنفسها على نفسها .

السائل : هي نادمة ندم شديد طبعًا إحنا وعظناها قلنا لها أنت ليش ما أخذتي برخصة رب العالمين وخل لي الحيضة تيجيكي ولما تيجيكي بتفطري يا بنت الحلال .

الشيخ : أي نعم .

السائل : فقالت أنا الآن نادمة ومش عارفة أيش أعمل إذا وقفت الحبوب بكرا الدورة تبعتي والدكتور بقول بتستمر خمسة عشر يوم بسبب وجود اللولب وإذا استمريت في الحبوب الدم بيستمر معي فهي إلها بدها نصيحة وبدها إذا استمرت بالحبوب هل تعد هل عليها أنها تحسب حساب سبع أيام العادة الشهرية أم تستمر صيام عادي .

الشيخ : طيب هذا اللولب المشؤوم هذا .

السائل : نعم شيخنا .

الشيخ : النساء هم يهجموا عليه هجوم .

السائل : نعم .

الشيخ : لازم تفهموهم أنه هذا ما بجوز .

السائل : إحنا بنحكي لهم شيخنا .

الشيخ : ما عليه شيء هذا من باب التذكير .

السائل : نعم شيخنا .

الشيخ : هذا أولا .

السائل : نعم .

الشيخ : ثانيا هي بدها تاخذ الحبوب مشان أيش ؟

السائل : تأخير الدورة .

الشيخ : طيب والطبيب بقول له إذا أخذت الحبوب تؤخر الدورة ؟

السائل : أي نعم الطبيب اللي نصحهم أنهم يوخذوا حبوب مشان تأخير الدورة .

الشيخ : طيب هلأ الدورة متأخرة معها .

السائل : الدورة متأخرة آه ولكنها بتعاني من نزول الدم اليومي الدم الطبيعي وليس دم الحيض .

الشيخ : يعني بتقصد دم استحاضة .

السائل : دم استحاضة نعم شيخنا .

الشيخ : وهي ما بدها تشوف هالدم .

السائل : وهي ما بدها تشوف بالإضافة إلى أنه النساء جنسها .

الشيخ : تركني تركني وحدة وحدة .

السائل : نعم .

الشيخ : هلأ هي ما بدها تشوف هالدم .

السائل : ما بدها تشوف الدم وبنفس الوقت بتسأل هل الدم هذا بفطر إله علاقة والا ما بفطر .

الشيخ : يا أخي أبو فارس وحدة وحدة الله يهديك .

السائل : نعم يا شيخي .

الشيخ : هلأ هي ما بدها تشوف الدم .

السائل : ما بدها تشوف الدم .

الشيخ : طيب شو طريقة حتى ما تشوف الدم في رأيها .

السائل : بدها توقف الحبوب .

الشيخ : بدها توقف عن الحبوب .

السائل : نعم .

الشيخ : طيب اصبر .

السائل : نعم .

الشيخ : إذا توقفت عن الحبوب توقف الدم .

السائل : نعم .

الشيخ : ماشي .

السائل : نعم شيخنا .

الشيخ : شو بتشكي بعدين .

السائل : بتشكي بعدين أن الدورة تبعتها بتيجي بكرا مثل ... ميعادها .

الشيخ : أي خلليها تيجي .

السائل : وإذا أجت بكرا بحكيلها الطبيب تستمر خمسة عشر يوم .

الشيخ : ترجع لعادتها .

السائل : ترجع لعادتها .

الشيخ : أيوا .

السائل : وإن شاء الله بتقعد عشرين يوم .

الشيخ : أيوا .

السائل : مثلًا يا شيخنا لو أجت الدورة بكرا عادة النساء عادة هذي المرأة بتقعد أسبوع فهل لها أن تحصي أسبوع ثم تصوم وتعتبر استحاضة .

الشيخ : وهذا معنى الكلام الله يهديك .

السائل : هذا معنى الكلام .

الشيخ : هذا معنى الكلام .

السائل : أيوا الله يجزيكم الخير .
الطالب : أنا فاهمة ، هو غلط إذا أخذت الحبوب ما بتجيها العادة هو غلط ، .

الشيخ : نعم بس أم الفضل عم تقول أنك أنت غلطت أنه هي إذا لم تأخذ الحبوب .
الطالب : إذا أخذتهم ما بتجيها العادة .

الشيخ : إذا أخذتها ما بتجيها العادة .

السائل : ما بتيجي العادة ولكن بظل الدم يا شيخنا بنحكي إحنا .

الشيخ : فإذا تركت الحبوب .

السائل : حاضت .

الشيخ : بينقطع الدم .
الطالب : بتحيض .

الشيخ : لا اسمعي .

السائل : بينقطع إذا وقفت الحبوب .

الشيخ : اسمع .

السائل : نعم .

الشيخ : إذا تركت الحبوب .

السائل : نعم .

الشيخ : بينقطع الدم هاللي عم تشوفه على طول .

السائل : أي نعم شيخنا .

الشيخ : وبترجع عادتها .

السائل : لأ برتجع شيخنا .

الشيخ : عادتها الحيض بكرا بتحيض .

السائل : بتحيض بكرا بس بقول لها الدكتور بتستمر خمسة عشر يوم عشان اللولب .

الشيخ : يا أخي الله يهديك .

السائل : نعم .

الشيخ : لك يا أخي هاي حلينا لك المشكلة بطريقتي مو بطريقتك .

السائل : صح .

الشيخ : خطوة خطوة .

السائل : نعم .

الشيخ : هلأ نحنا عم نكرر على مسامع أم الفضل .

السائل : نعم نعم شيخنا نعم .

الشيخ : أنه هي إذا تركت الحبوب .

السائل : نعم .

الشيخ : انقطع الدم هاللي بتشوفه كل يوم .

السائل : نعم شيخنا .

الشيخ : لكن بتشوف العادة تبعها .

السائل : نعم .

الشيخ : عادتها أسبوع .

السائل : نعم .

الشيخ : ما زاد على العادة قلنا لك تعتبرها استحاضة .

السائل : بس هذا هو شيخنا .

الشيخ : وكفى الله المؤمنين القتال .

السائل : الله يجزيك الخير ويبارك بعمرك يا شيخنا .

الشيخ : الله يسلمك ويحفظك هاي رمينا عصفورين بحجر واحد .

السائل : طيب الحمد لله والله هذي عادتك يا شيخ دايما بتفيدنا بهالعصافير .

الشيخ : الحجر الثاني أنه اصطدت مرتي أنا فهمتها الموضوع .

السائل : أنا أطلب منك يا شيخنا أترجاك رجاء إذا بتتكرم علي .

الشيخ : تفضل .

السائل : ممكن أكون معاكم في إحدى الدعاوي بقصد جلسة العلم إذا كان في جلسة قريبة .

الشيخ : يا عيني ذلك حظوة .

السائل : ذلك .

الشيخ : حظوة حظوة لي .

السائل : الله يجزيك الخير بس يا شيخنا ما حدا بيحكيلنا .

الشيخ : هههه لأنك ما بتحكي .

السائل : هههه والله يا شيخنا بنتمنى يعني نكون .

الشيخ : قال " ما ضاع حق وراءه طالب " .

السائل : نعم شيخنا .

الشيخ : أما أنه ييجي الحق إلك .

السائل : نعم .

الشيخ : هيك منحة هيك من السما لا .

السائل : أكيد .

الشيخ : بدها حركة والحركة بركة .

السائل : والله يا شيخنا مرة طلبت منك قلت لي وظف لك واحد من هالشباب .

الشيخ : آه شفت شلون وما وظفت شو أساوي لك بقى .

السائل : عاد لا قوة إلا بالله ما لناش إلا شيخنا .

الشيخ : أهلا وسهلا الليلة في عندنا .

السائل : عندكم في البيت .

الشيخ : وامبارح كان عندنا .

السائل : الله أكبر .

الشيخ : وامبارح فاتتك .

السائل : يا شيخنا معناته .

الشيخ : مو بالبيت مو بالبيت أنت بهمك البيت تبعي لأ .

السائل : لأ طبعًا أي مكان .

الشيخ : بهمك الجلسة تبعي .

السائل : طبعًا شيخنا .

الشيخ : بهمك الصوت الناعم تبعي .

السائل : الله يسعدك يا شيخنا .

الشيخ : الله يحفظك .

السائل : والله إنك حبيب لقلوبنا يا شيخنا .

الشيخ : الله يسلمك .

السائل : طيب ، نجي اليوم عندكم يا شيخنا .

الشيخ : نعم بس بقى بدنا نعمل حسابك تيجي بسيارة والا بدك تركب سيارتي .

السائل : والله إذا كان بتسمحوا لي آجي أنا وكمان واحد اللي هو أبو رياض باجي بسيارته .

الشيخ : آ بسيارته بتيجي أنت وإياه أهلًا وسهلًا .

السائل : طيب ، فين نيجي يا شيخنا ومتى .

الشيخ : هلأ بتيجي لعندي بتصلي بأقرب مسجد عندنا .

السائل : نعم .

الشيخ : وبتجوا .

السائل : طيب ، عال عال ونيجي لعندكم على البيت .

الشيخ : نعم .

السائل : يعني من الآن .

الشيخ : إي نعم .

السائل : طيب ، بارك الله فيكم يا شيخنا .

الشيخ : وفيك بارك .

السائل : طيب ، السلام عليكم .

الشيخ : وعليكم السلام ورحمة الله وبركاته .

السائل : هو الي الحبوب التي بتاخذها المرأة هذه لمنع الحمل طول وهي تاخذها .

الشيخ : ... حبوب .

السائل : آ .

الشيخ : وبصير معها دم على طول كل يوم .

السائل : آ .

الشيخ : دم استحاضة الطبيب قايل لها إذا تركتي الحبوب بينقطع عنك هالدم بترجعلك العادة لكن تاخذي خمسة عشر يوم فعلى طريقة بقى سؤال وتمهل وحدة وحدة يا أبو فارس الى اخره قلنا له أخيرا خلليها تمتنع عن الحبوب مشان ينقطع الدم اليومي وترجع لها العادة الطبيعية .

السائل : أيوا .

الشيخ : وإذا استمر الدم معها خمسة عشر يوم بتمسك سبع أيام عادتها والباقي استحاضة هذا أريح إلها من أن تشوف الدم كل يوم كل يوم فهمتي .

السائل : آ ، هي ماخذة أساس الحبوب يعني أنا فهمت مشان ما تفطر في رمضان .

الشيخ : إي نعم .

السائل : لأنه هي حاطة لولب .

الشيخ : إي نعم .