الشيخ : أنا ما سمعت سلام الأخ ، ما أدري سلمت أنت وما حدا رد عليك ولا نحن ما سمعنا وإلا كيف .

السائل : لا ، سلمت .

الشيخ : ما سلمت ، سلمت وإلا ما سلمت .

السائل : كنت قاعد هون .

الشيخ : معليش هلا لما دخلت سلمت وإلا سلمت .

السائل : لا ما سلمت .

الشيخ : فإذن أنا من واجبي أن أذكرك مش وحدك والحاضرين معك بقوله - عليه السلام - : إذا دخل أحدكم المجلس فليسلِّم ، وإذا خرج فليسلِّم ، هذه واحدة . ثانية ها سجلها ، إذا دخل أحدكم المجلس فليسلِّم ، وإذا خرج فليسلِّم . الله - عز وجل - مشان ربنا يرفعه درجات عاليات بيعمل من حيث الكسب كالمنشار عالطالع والنازل بيكسب عالطالع وعلى النازل ، فأنت هلأ بيقتضيك صاحب بيت - مثلًا - منزل بيقتضيك تطلع بتقول : السلام عليكم ، بعد دقيقة بتقول السلام عليكم ما في حرج ، وكما جاء في الحديث : دخل رجل فقال : السلام عليكم . فقال - عليه السلام - : عشر . دخل ثاني قال : السلام عليكم ورحمة الله . قال : عشرون . دخل ثالث قال : السلام عليكم ورحمة الله وبركاته . قال : ثلاثون . قالوا له : ما هذا ؟ قال : الأول قال : السلام عليكم هذه بعشر ، السلام عليكم ورحمة الله بعشرين ، السلام عليكم ورحمة الله بركاته بثلاثين . وهنا عبرة : كثير من أهل الطرق يذكرون الله ذكرًا غير مشروع بيقول لك مثلًا بيقعد إما مع الجماعة أو وحده الله الله الله الله إذا قيل له إذا دخلت المجلس سلم وخرجت سلم بيلاقيها ثقيلة كل ما بدو يفوت ويطلع بدو يقول السلام عليكم السلام عليكم بيلاقيها بالتعبير السوري بايخة يعني مرفوضة مش مقبولة ، طيب وهديك مش بايخة الله الله يمكن يقعد ساعة ويمكن عندكم دراويش اللي عندكم في مصر اللي بيعلقوا هالمسابح في السقف كل حبة هكذا يلا طق طق الناس نايمين بيسمعوا الطقطقة شو عم بيساوي الشيخ درويش عم يذكر الله ، فاعكس تصب ، قل السلام عليكم لا تنس .