السائل : اشتريت أسهم من شركة الكهربا .

الشيخ : شو اشتريت ؟

السائل : أسهم في شركة الكهربا أسهم أسهم في شركة الكهربا .

الشيخ : إي ، إي فهمت .

السائل : وما أعرف شو حلال أم حرام هذه الأسهم .

الشيخ : أنت بتعرف أنه شركة كهربا .

السائل : نعم أنا موظف فيها كمان .

الشيخ : الله يهديك طوِّل بالك علي .

السائل : نعم تفضل .

الشيخ : شركة الكهربا الأموال اللي بتجمعها وبتوزع بعدين للمشتركين في الأسهم وين يودع هذا المال ؟

السائل : بالبنوك طبعًا .

الشيخ : طيب وأنت لليوم ما بتعرف أنه التعامل مع البنوك ما بجوز .

السائل : طبعًا أكيد بس كأسهم مثل ما بقولو لنا يعني أنها حلال هيك يقولون .

الشيخ : أنا عم أسألك سؤال أنت بتعرف أنه التعامل مع البنوك حرام والا لأ ؟

السائل : حرام بلا شك .

الشيخ : طيب ، مادام تعرف هذا تعامل حرام وبتعرف أنه الشركة هذي وغيرها كل الشركات اللي بتتعامل مع البنوك فإذن حرام واضح التعامل خلاصة القول ما بجوز الواحد يشتري هذه الأسهم .

السائل : نعم شيخ بس يعني اشتريتهن حوالي تقريبا امبارح أعطاني إياهن زميل إلي بمبلغ رخيض حتى يعني لو بعتهن بكرا بمبلغ أكبر شوي يعني إذا صار أوخذ المبلغ الزيادة .

الشيخ : لأ ارجع بالبيع على اللي باعك .

السائل : آ .

الشيخ : رجع له رجع له السند اللي باعك ويرجع لك الفلوس .

السائل : طيب حتى لو لغيره .

الشيخ : لا تربح .

السائل : طيب لو لغيره بعت .

الشيخ : لا تربح رجع بس أنت وخذ مالك .

السائل : إذا بعت لواحد ثاني آخذ اللي إلي والباقي شو أعمل في .

الشيخ : وَإِنْ تُبْتُمْ فَلَكُمْ رُءُوسُ أَمْوَالِكُمْ .

السائل : آ ، يعني مش مهم لواحد ثاني يعني .

الشيخ : ما بعرف إذا بتستغني ما دام المال رخيص .

السائل : نعم .

الشيخ : بتستغني بتعطي لبعض الفقراء بكون خير .

السائل : يعني آخذ اللي إلي والباقي للفقراء إن شاء الله .

الشيخ : أنو باقي .

السائل : يعني أنا مثلًا اشتريتهن بستين دينار .

الشيخ : عم بقول لك ما بجوز الربح .

السائل : لأ أنا اشتريتهن بستين دينار اشتريتهن .

الشيخ : طيب .

السائل : بجوز أني أبيعهن هسا بثمانين .

الشيخ : هذا الي عم نحكي الله يهديك إذا اشتريت بستين وبعت بثمانين مو ربحت .

السائل : آ .

الشيخ : عم بقول لك لا تربح .

السائل : آ ، العشرين شو أعمل فيهم .
الطالب : يوزعهم .
طالب آخر : ... .

الشيخ : أنت بعت هلأ وربحت .

السائل : لأ مهو اشتريتهن بستين وتقريبا هسا يكون بثمانين .
الطالب : كأنها عملة وارتفعت .

الشيخ : طول بالك الله يهديك ، بنكون بمشكلة بتفتحلنا مشكلة جديدة هو ما هم يقول ارتفع .

السائل : يا شيخ .

الشيخ : يا أخي أنت بعت والا لسا ؟

السائل : لسا ما بعت بس تقريبا هسا مثل ما سمعت بربح حوالي عشرين دينار .

الشيخ : لا تربح عم بنقول لك الله يهديك .

السائل : قصدي لمين أوزعهم العشرين .
الطالب : شيخ قصده أنه يبيعهم برأس مالهم .

الشيخ : أنا بقول له لا تربح وبقول لي لمين أوزعهم .
الطالب : ... .