الشيخ : نعم

السائل : السلام عليكم

الشيخ : وعليكم السلام

السائل : محمد

الشيخ : نعم

السائل : محمد لو سمحت
سائل آخر : مين محمد
سائل آخر : بقول عمان
سائل آخر : عمان ؟
سائل آخر : لا هو قال الشيخ محمد

الشيخ : ألو

السائل : ألو

الشيخ : ما تحكي يا أخي

السائل : السلام عليكم

الشيخ : وعليكم السلام

السائل : بدي أسألك سؤال إن شاء الله

الشيخ : نعم

السائل : أنا يعني اليوم حلفت على زوجتي يمين

الشيخ : شو قلت

السائل : كثير مرات .. مع زوجتو

الشيخ : شو قلت ، ماذا قلتَ

السائل : ماذا قلت ، قلت تحرمي علي إذا بنام معك بعد هاليوم بدون ما نتحمم بنفس الليلة ، أو إذا بنكون متفقين سابقا لأنو كثير مرات بتروح علي صلاة الصبح

الشيخ : أيوه

السائل : فكيف الإنسان بفك هاليمين

الشيخ : أي كيف زتّيتو أنتِ

السائل : نعم

الشيخ : كيف زتيتو

السائل : ..

الشيخ : أنت ليش زتيتو

السائل : لأنو ببتروح علينا صلاة الصبح كثير

الشيخ : بتروح عليكم صلاة الصبح ؟

السائل : أي نعم

الشيخ : الظاهر إنكو تسهروا

السائل : نعم

الشيخ : أي ما بجوز السهر هاللي بضيع عليكم صلاة الفجر

السائل : نعم

الشيخ : فإذا بدك تجامع زوجتك

السائل : نعم

الشيخ : إما إنك تجامعها بعد صلاة العشاء وتتحمم إنت وإياها وتحطوا راسكوا وتناموا منشان تتمكنوا من صلاة الفجر ، وإما أن تملك أعصابك وما تأتيها إلا بعد ما تصلوا الفجر ، ويمينك هذا بدو كفارة يمين أولا وبدك تتوب إلى الله عز وجل من السهر ثانيا

السائل : كمان مرة بالله يا سيدي

الشيخ : أولا بدك تقدم كفارة يمين تطعم عشر مساكين هذا أولا ، وثانيا بدك تتوب إلى الله عز وجل من سهرك ، تترك سهرك إنت وزوجك وأولادك إذا كان عندك أولاد ، ما تسهروا بعد صلاة العشاء وتناموا مبكرين منشان تستيقظوا مبكرين ، هذا هو جواب سؤالك

السائل : طب يا سيدي قديش نخرج صدقة .. قديش بطلع المبلغ

الشيخ : ما في مبلغ عم أقلك إطعام عشر مساكين

السائل : طب تقريبا قديش إللي بطلعوا فلوس ، بدل ما أطلعهم أنا إطعام

الشيخ : بدك تطعم إطعام إطعام ، شو بتاكل بتطعم

السائل : نعم نعم

الشيخ : فهمت علي ولا لأ

السائل : نعم نعم

الشيخ : يعطيك العافية ، السلام عليكم

السائل : وعليكم السلام ، شكرا شكرا

الشيخ : أهلا
سائل آخر : .. إطعام أو كسوة الآية يعني في .. إطعام إطعام قلو .. كسوة

الشيخ : أنو أسهل الله يهديك
سائل آخر : معلش هو عم بيسأل

الشيخ : أنو أسهل الله يهديك
سائل آخر : آمين يهديني وإياك
سائل آخر : الكسوة أسهلّو

الشيخ : لأ
سائل آخر : بلى

الشيخ : ينزل عالسوق يشتريلو وكبير وصغير وطويل
سائل آخر : ولو كان

الشيخ : هنّي إن شاء الله ينفذوا الطعام
سائل آخر : تعتبر كفارة ظهار ولا كفارة يمين

الشيخ : لا يمين