السائل : طيب ، بالنسبة للصلاة ، صلاة الصبح متأخر معليش ؟ يعني بقوم متأخر من النوم .

الشيخ : لكان معليش حرام .

السائل : طيب ، وشو العمل يا شيخ ؟

الشيخ : العمل أنك أولًا ما تسهر كثير ، وثانيًا ما تسهر على التلفاز ، وإنما تصلي العشاء وتحط راسك وتنام وشوف بعدين كيف بتفيق لصلاة الفجر في الوقت المناسب هذا هو الحل .

السائل : طيب .

الشيخ : أما إنك تسهر لنصف الليل على التلفاز أنت وزوجتك وأولادك .

السائل : لا يا شيخ ، أنا على الثمانية ونصف بنام الحمد لله أول إشي .

الشيخ : كيف ؟

السائل : على الثماني ونصف بنام بعد الأخبار مباشرة يعني .

الشيخ : طيب ، وليش ما بتفيق لصلاة الفجر .

السائل : والله الشيطان .

الشيخ : هاه لكن الشيطان بيعرف شلون يلعب فيك .

السائل : من العمرة أول مبارح .

الشيخ : طيب ما عندك منبه ، ساعة منبه ما عندك ؟

السائل : والله يا شيخ بدي أحكي لك الصحيح أنا بكون قاعد بس ما بقدر أقوم .

الشيخ : لي قديش عمرك ختيار أنت متل حكايتي ؟

السائل : لا يا عم مش ختيار ثلاثة وعشرين سنة .

الشيخ : إي وكمان ما بتقدر تقوم ، وبكرة بس تصير عمرك متل حكايتي ثمانين شو بتساوي .

السائل : الله يطول لي عمرك يا شيخ .

الشيخ : الله يحفظك لازم تشد حيلك وتكسب شبابك ولا .

السائل : بدنا نكسب الصلاة أحسن من كل الدنيا .

الشيخ : إن شاء الله .

السائل : بس في ... بدي أغلبك معليش .

الشيخ : لا بس غلبني ثاني مرة .

السائل : بدي أغلبك ماشي شيخ ؟

الشيخ : ثاني مرة ، ثاني مرة .

السائل : الله يطول بعمرك .

الشيخ : الله يحفظك .