السائل : ... ممكن ؟

الشيخ : تفضلي .

السائل : بدي أسألك بالنسبة للنامصة والمتنمصة حكتلي في شيخة حكتلي النامصة الي هي بتشيل مثلًا حواجبها بس ، ووحدة تانية حكتلي النامصة الي هي بتشيل يديدها وإجريها وشاربها ووجهها ، حكتلي هذا حرام في الإسلام ، فالنامصة نفسها أيش هي أيش الي الله حرمه بس شيل الحواجب ، ولا حرم شيل اليدين والرجلين ؟

الشيخ : القول الثاني هو الصحيح .

السائل : إي شيل اليدين الرجلين ؟

الشيخ : كل شي في بدن المرأة أو الرجل لم يأذن به الشرع بشيله فما بيجوز نتفه .

السائل : آ .

الشيخ : كل شيء .

السائل : طب مثلًا عندك المتحجات .

الشيخ : نعم ؟

السائل : المتحجات المتحجبات يعني .

الشيخ : شو بدي بالمتحجات ، فهمتي السؤال والجواب ولا لأ ؟

السائل : آ آه بس قصدي يعني هسا .

الشيخ : شو بدي هلأ بالمتحجات .

السائل : أنا قصدي يعني هسا الوحدة مثلًا لو شالت شعر يديدها ورجليها .

الشيخ : الله يهديكي .

السائل : قصدي أنا لأ .

الشيخ : الله يهديكي .

السائل : أنه هذا مثلًا .

الشيخ : الله يهديكي .

السائل : الله يسلمك .

الشيخ : الله يهديكي شو فائدة الكلام إذا ما فهمتي لفهمك ؟

السائل : لا أنا فهمت عليك إنو الشيل يعني .

الشيخ : إذًا ليش عم تعيدي الكلام .

السائل : آآه .

الشيخ : ما في عنا وقت الله يهديكي ، هلأ وقت الأسئلة باقي للوقت نص ساعة .

السائل : آآه إن شاء الله ... متأسفين على الإزعاج .

الشيخ : عفوًا .