السائل : أنت شيخي ترى زيت الزيتون ؟

الشيخ : أنا ما سُئلت عن هذا ، لكن يبدو لي بادي الرأي أنه كذلك ، لأنه أولا : إيدام ، ثانيا : قوت يدخر .

السائل : أيوا يدخر .

الشيخ : آ .

السائل : طيب شيخي ، كيف بدنا نسوي فيه بحيث إنه يعني بكمية بالشراء يعني بالشراء ، يعني لما نجمع الآن إحنا بالمئات من الناس ؟

الشيخ : هذا سؤال ثاني ، ما له علاقة باللي قبله .

السائل : كويس الآن الحمد لله الأولاني !

الشيخ : إي شو بتسووا إنتوا دبروا راسكن .

السائل : لأنه يعني جلن الزيت فيه خمس كيلو ، ثمنه : ثمان دنانير ، كيف بدنا هل هو يعني يعتبر كيلو كيلو إذا قسنا إنه ؟

الشيخ : هلا مو مشكلة أبو عبدالله ، هلأ لو تصورت منطقة ناس أغنياء .

السائل : آ .

الشيخ : والقريب منهم فقراء .

السائل : أيوا .

الشيخ : فهالكثرة الكاثرة من الأموال اللي راح يشترى فيها من الأقوات ، فتوزع على الفقراء القليلين ، فبركة حيصيبهم خير كبير .

السائل : إي صحيح .

الشيخ : والعكس بالعكس ، حينئذٍ إذا كان العكس بالعكس ، راح يشترى للفقراء كم كيلو عدس ، كم كيلو برغل ، كم كيلو مثلًا .

السائل : فريكة .

الشيخ : هريسة ؟

السائل : فريكة فريكة .

الشيخ : فريكة ، إي نعم وهكذا .

السائل : طيب الآن الناحية الواقعية شيخي : في الجمع بيجمعوا يعني على ، من النفر دينار ، من النفر بيجمعوا دينار .

الشيخ : آ .

السائل : فبهالحالة هذه ، الجمع بيجمعوا مئات على اعتبار النفر دينار هو بزيادة عن كمية القمح اللي يعني المقررة شرعا ؟!

الشيخ : نعم نعم .

السائل : فيعني في هذا الاعتبار يعني لما بيشتري الزيت الإيدام بهذا بهالسعر هذا يعني بيغطي هذا بدل الفرقية هذه ؟ نقدر نقول هيك ؟ إذا فرضنا أخذنا أكثر من المقرر .

الشيخ : بيغطي إيش ؟

السائل : بيغطي غلاء الزيت الإيدام اللي بدنا نوزعه ؟

الشيخ : مع إنه بيرجع أخي للملاحظة اللي قلت لك إياها : كثرة الفقراء وقلتهم .

السائل : امممممم .

الشيخ : اللي بده يتوزع على الكمية المجموعة ، ولا مش واضح كلامي ؟

السائل : والله شيخي أنا لإنه شايف الفقراء كثار فمش عارف كيف بدنا .

الشيخ : يا أخي أنا عم قلك ، ما عم أحكم ، عم أقلك : حسب كمية الفقراء وكمية الأغنياء ، يعني إنت هلا عم تقول : دينار دينار ، بيجوز الأغنياء يدفعوا أكثر بكثير ويكون الفقراء اللي بدهم يتوزع عليهم هالأقوات هذه قليلين .

السائل : أيوة .

الشيخ : ولذلك قلت : المسألة هذه بأى اللي عم تسأل عنها ماهي شرعية إنما هي اجتماعية .

السائل : آه بالإدارة .

الشيخ : لذلك بقول دبروا رأسكم .

السائل : إداريا ، والحليب شيخي كمان شرحه هذا الناشف يعني ممكن كمان ؟

الشيخ : والله ما أرى الحليب كذلك ، لأنه نسبة الذين يستعملون الزيت كإيدام ، ليس كنسبة الذين يستعملون الحليب كإيدام .

السائل : إي صحيح .

الشيخ : ها .

السائل : بس شيخي إذا بدنا نقارنه بالقوت ، يعني موضوع إنه قوت ، فهو يعني قوت ضروري ، ويعني يستخدم لجميع الطبقات ، بيتروب بيصير لبن بيتغمص ، بيتروب بيصير لبنة بيتغمص ، يعني فيه كذا شغلة فيه يعني ، في الحليب ، والأطفال والكبار والصغار بيستخدموا كمان يعني كشراب وحلو ، فله يعني حصة لا بأس بها ، صحيح زي ما تفضلت يعني بخلاف الزيت كإدام ، إي نعم لكنه مهم جدًّا ، يعني ما يقل أهمية شيخ يعني إذا كان بالنسبة للفقير وبده يستخدمه ويستنفع منه أهمية الرز !

الشيخ : والله أنا كلامي لا ينفي هذا .

السائل : صحيح ، يعني معناته لو وزعنا يعني الحليب ، بنكون أصابنا يعني ما خالفنا ؟

الشيخ : إذا كان كما تقول ، هو كذلك .