الشيخ : تفضلي .

السائلة : أنا كنت حامل شهرين ونزلت .

الشيخ : أيوا .

السائلة : فإلي حوالي اسبوع بجوز أصلي ولا لا ؟ الشَّيخ انقطع عنك الدم ؟

السائلة : آه ما في عملت عملية تنظيفات من يوميتها ما في اشي الحمد لله .

الشيخ : أديش كان عمر الجنين ؟

السائلة : حوالي شهرين .

الشيخ : وكم استمرَّ العادة معك ؟

السائلة : عشرين يوم .

الشيخ : والآن انقطع بالمرة .

السائلة : ما في إشي ، عملت عملية تنظيفات وما فيش إشي يعني ، طيب أنت بتعرفي شي اسمه بلغة العامة الطهر وفي لغة الشرع القصة البيضاء ؟

السائلة : أيوا .

الشيخ : بتعرفيها ؟

السائلة : نعم آ .

الشيخ : رأيتيها .

السائلة : ما شفتها .

الشيخ : ولا ؟

السائلة : آ ، لا شفتها .

الشيخ : لا اثبتي على وحدة .

السائلة : لا امبلى شفتها شيخ .

الشيخ : إي إذًا بتقدري تصلي .

السائلة : عادي يعني .

الشيخ : إي نعم .

السائلة : لأن كتير نفسيَّتي تعبانة لأن بصليش إشي مش عارفة حاسة إشي .

الشيخ : لا لا ، ما دام شفتي القصة البيضاء لازم تصلي .

السائلة : أيوا إن شاء الله .

الشيخ : إن شاء الله .