السائل : شيخ بالنسبة شيخ بالنسبة لإنسان بيسوق بدون رخصة لكن هو بذل الأسباب إنه تدرب السواقة مضبوط كويس وبيسوق بدون رخصة وبيقول أنا متوكل على الله هذا يعتبر متوكل على الله وإلا لا ؟ مع أنه ما معاهوش فلوس ليطلع رخصة يعني ممكن يصير معه فلوس يشتري به أكل يشتغل شغلة أولى من هذه الشغلة فهذا بيكون متوكل على الله يسوق بدون رخصة في هاي الحالة ؟

الشيخ : لا ليش حتى ما يطلع رخصة ؟

السائل : ما معوش فلوس .

الشيخ : آ .

السائل : معهوش فلوس .

الشيخ : ما إيش ؟

السائل : مش معاه فلوس مال .

الشيخ : ما معه فلوس يركب بالأجرة بدون ما يعمله حادث ويمسكوه وبعدين .

السائل : يا شيخ قلت لك تدرب مضبوط فيعتبر ... .

الشيخ : مين اللي حكم إنه ادرب مضبوط ؟

السائل : أخذ رخص تدرب في مراكز التدريب .

الشيخ : أخذ رخصة ! لا .

السائل : يعني ناقص رخصة بس ؟

الشيخ : أقصد أنا أن المسألة ربما يداخلها الهوى فلما ...

السائل : فهمان لك يا شيخ .

الشيخ : آ .

السائل : فهمان لك يمكن الواحد يقول خلاص بتوكل على الله وبقطع ... بيصير معه فلوس وبيقول لا متوكل على الله .

الشيخ : لا هذا ، اعقلها ثم توكل .