الشيخ : نعم .

السائل : السلام عليكم .

الشيخ : وعليكم السلام .

السائل : كيفك شيخ ؟

الشيخ : أهلين .

السائل : كيف صحتك ؟

الشيخ : الحمدلله .

السائل : شيخ بدنا نسألك بالنسبة لدار رعاية الأيتام .

الشيخ : نعم .

السائل : هي حرام ولا حلال ؟

الشيخ : شو بيعرفني شو فيها .

السائل : هم فيها بيشترولنا بضاعة .

الشيخ : شو بيعرفني شو فيها ، شو بيعرفني شو معاملتها ، شو بيعرفني شلون بيربوا الأيتام هذا سؤال غامض .

السائل : هذولا بيأخذوا أموال الأيتام بيشغلوهن ، فاللي بده يأخذ قرض من عندهم ما بيعطوه فلوس بيروحوا يشتروا له هم الأغراض يعني .

الشيخ : ما بيجوز .

السائل : نعم .

الشيخ : ما بيجوز .

السائل : طيب يا شيخ اللي بده يتزوج يعني ؟ كيف ممكن يستنا مثلًا بدال ما يحوش من راتبه كل شهر ستين ليرة يقعد ثلاث سنوات إذا كان عمره سبعة وعشرين سنة أو ثمان وعشرين سنة ، يعني يقعد يستنى كمان خمس سنوات حتى يدفع المهر يكون صار كبر وعجّز ، ولا يأخذ له قرض يعني ويسلك حاله ؟

الشيخ : ما شاء الله يأخذ قرض بالحرام ؟

السائل : شو يساوي يستنا خمس سنوات مثلًا ؟

الشيخ : يعني يفتتح يعني حياته بالحرام ، يساوي يطيع الله : وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ .

السائل : ما فيش حل هسا الا الحرام !

الشيخ : أعوذ بالله ، هذا مو عند المسلم .

السائل : طيب إيش الحل في نظركم يا شيخنا ؟

الشيخ : ما في عندي حل ، اتق الله وبس .