السائل : فيه سؤال آخر نسيته !!

الشيخ : تفضل .

السائل : بالنسبة لتبليط المسجد ، بالبلاط في أحد الإخوة عندنا في اللجنة .

الشيخ : آ .

السائل : لما بلط كيف احنا لمينا البلاط من الناس يعني من أهل الخير .

الشيخ : إي .

السائل : ففيه بلاط متلون والبزرة بتختلف ، فأظن البلاط جاي فيه بزرة سودة هيك .

الشيخ : إي .

السائل : أخونا هذا شو عمل الله يسامحه راح حاط -في عنا تحت السور ساقطة في المسجد بين العمودين فقط- كل أربعة مئة متر بس حطينا عمودين تحت السدة .

الشيخ : شو ساوى شو ساوى ؟

السائل : حط بالعرض خط بلاط أسود يعني بلاطة وحدة بس .

الشيخ : يعني صف بلاط أسود ؟!

السائل : صف نعم بين البلاط الأبيض .

الشيخ : من الشرق إلى الغرب ؟

السائل : إي هي باتجاه القبلة ، حتى هو ربما اجتهد هو بيقول : أنا ما هذا اجتهادي ، هو بيقول : حتى أضيع البلاط يعني الأسود بدل ما أشوه فيه البلاط عملته خط مشان يعني يمشي حاجتنا ونخلص منه في نفس الوقت .

الشيخ : شو حاجته ؟

السائل : يعني إنو عنا هذا البلاط وين بدنا نروح فيه ؟! فبقول هو : بدال ما نحط بلاطة هون وبلاطة هون عمل فيه هذا الخط ، وهذا طبعًا بالتالي راح يتغطى بالموكة بالسجاد .

الشيخ : إيوا .

السائل : مش راح يظهر يعني يوما ما .

الشيخ : طيب .

السائل : على هذا الأساس .

الشيخ : إي .

السائل : هل يعتبر هذا كلام هو عمل خط وفي خط وراءه وفي كمان خط ثال ييجي ، فشو نصيحتك ، نشيله ولا نخليه ولا ما في شيء ولا كيف رأيك ؟

الشيخ : إذا كان راح ينفرش .

السائل : نعم .

الشيخ : فعفا الله عما سلف ، أما إذا كان ما بدو ينفرش !

السائل : نعم .

الشيخ : فهذا قد يعتبر من زخرفة المساجد .

السائل : صحيح إذًا نحن على اعتبار فرشه بالسجاد إذًا نخليه ؟

الشيخ : إي نعم . .

السائل : الله يطول عمرك .

الشيخ : بس انتبه !!

السائل : نعم .

الشيخ : السجاد اللي بدكم تجيبوه لازم يكون ساذج .

السائل : عرفت أنا معاي الخير هَيْ بلغني الخبر !

الشيخ : ما بيكفي أن يبلغك الخبر !

السائل : آ .

الشيخ : لازم يقترن به مع الخبر العمل .

السائل : ونحن طبعًا يعني نقدر نخالف الشرع ؟!

الشيخ : لأ ، خايف بلكي حواليك ناس بيشاغبوا على السنة .

السائل : ما فيه يا شيخ .

الشيخ : ما فيه .

السائل : ما فيه أبدا .

الشيخ : إذًا نصرك الله .

السائل : ما فيه أبدا ، راح تسر إن شاء الله بلغنا أن أنت معارض الموكات عند أبو مالك بيحط خطوط ومش عارف شو .

الشيخ : إي نعم .

السائل : فأنت معترض على هذا الكلام فبلغنا الخبر احنانا وإن شاء الله رح نتجنبه هذا الكلام .

الشيخ : طيب جزاك الله خير وأرجو لك مزيدا من التوفيق .

السائل : الله يبارك فيك .

الشيخ : الله يحفظك .

السائل : يطول عمرك إن شاء الله .

الشيخ : انتبه ليكون نسيان شيء سؤال ثاني .

السائل : نعم ؟ لا لا الله يبارك فيك ، هو صحيح لما بحكي معك أنا .

الشيخ : آ .