الشيخ : على كلٍّ كنَّا ... بالنسبة للشمس بالنسبة للوادي ، أنا تساءلت فيما بعد في نفس الجلسة أنُّو ما هو المقصود من السؤال ؟ أنا طبعًا فيما عندي أعطيتك الجواب ، لكن ما هو المقصود من السؤال كان ؟ لأني أنا ألمح السؤال يلقي شبهة في أصل الحديث : إذا أقبل الليل من ههنا ، وأدبر النهار من ههنا ، وغربت الشمس ؛ فقد أفطر الصائم . فأريد توضيح منشان نكمل البحث .

السائل : هو - أستاذ - أمرين : الأمر الأول أنه كنا نشوف بعد شباب ... يشوف الشمس غربت يفطر ، يعني ما يتيقَّن من الأمرين الثانيين ، وحبِّيت أن هدول يعني تؤكد عليهم ؛ لأنه كانوا جالسين ... ، وغروب الشمس لا يكفي كما ذكرت أنت ، وهذا خطأ ، وخطأ يعني بركن من أركان الإسلام . المسألة الثانية - أستاذ - أحيانًا اللي بصير أن الشباب ... من عندها ؛ أنُّو خلاص - يا أخي - سمعنا الشَّيخ ناصر بيقول : أنه الشمس عم بتغرب قبل الغروب المكتوب بـ " الروزنامة " - مثلًا - ربع ساعة أو بعشر دقائق يمشي برمضان كله على هذا الموَّال ؛ طبعًا هذا كلامه مو صحيح ؟

الشيخ : هذا كان لازم تذكره حتى نجيب عنه ؛ لأنُّو هذا غير ثابت .

السائل : والسحور نفس الشيء كمان .

الشيخ : كيف ؟

السائل : والسحور نفس الشيء ، كتير شباب بعد يقول لك : بعد ربع ساعة يقول لك تميت عم أتسحر ؛ يعني لذلك نقول نحن للشباب اللي ما متيقِّن ، اللي ما شاف بعينه - مثلًا - أو حكى له واحد ثقة يتم مع الأذان العادي أفضل بكثير ؛ يعني نحن مرة أحد الشباب شو قال ؟ عم تغرب الشمس على سبعة واثنين وعشرين ، كنا بنفطر عند أحد الشباب ، ثاني يوم والله أو ثالث يوم طلعنا على الجبل عم نفطر هون بجبل المنارة وجدنا عم تغرب على سبعة ونصف ، يعني قبل أربع دقائق فقط من " الروزنامة " ؛ طيب هون أخطأ هذا الشاب بثمان دقائق تقريبًا .

الشيخ : هذا كويس بالنسبة للغروب ، وبالنسبة للفجر ؟

السائل : كمان بصير نفس الخطأ ؟

الشيخ : لا ؛ كيف يحتاطون يعني ؟ لأنُّو بالنسبة للغروب التأخُّر ما بيضر .

السائل : لا ، هون ما في تأخُّر في تقدُّم .

الشيخ : لا ، بأقول إذا قلنا لهم تأخَّروا تثبَّتوا ما ... لكن بالنسبة للفجر كيف نقول لهم والناس يصلون قبل الوقت ؟

السائل : هل نقول - أستاذ - : المؤذِّن مؤتمن ؟

الشيخ : لا ، أنو مؤذِّن مؤتمن ؟

سائل آخر : أصلًا الغرفة مسكَّرة ... كمان أنا بطّلّع إيش ؟ الغرفة أوسع من هَيْ يا قدها ، والجهاز فيها والروزنام جنبه " الروزنامة " ، حاطط " الروزنامة " والسَّمَّاعة والميَّة .

الشيخ : والساعة .

سائل آخر : والساعة .