السائل : السلام عليكم .

الشيخ : وعليكم السلام ورحمة الله .

السائل : والله يا عمي منزل الشَّيخ محمد .

الشيخ : نعم .

السائل : والله أنا بدي أحكيلك عن أخوي .

الشيخ : نعم .

السائل : أنا أعطوني نمرتك من أهلك ناس .

الشيخ : نعم .

السائل : قالولي إحكي مع الشَّيخ محمد يعني إذا بتقدر تفيد اشي ان شاء لله ، طبعًا الواحد هو بيصلي وبيدعي لكن لما بيسمع إنو في واحد كبير دائمًا بيحب إنه يدعيله إن شاء الله .

الشيخ : نعم .

السائل : أنا أخوي والله حادث رصاصة طبعًا دخلت في بطنه طلعت من ظهره ضربت عنده النخاع وهو ما بيمشي يعني هلأ إحنا طلعنا نعالجه برا ، دائمًا الإنسان بيقول الأمل بوجه الكريم يعني فبحكولنا هلأ إنو ما في يعني أمل إلا إنو إن شاء الله ربنا هيكا يفرجها عليه .

الشيخ : الله يشافيه إن شاء الله .

السائل : الله يسلمك هو اسمه نبيل ابن ملك ، فقالولنا بعرفش يعني أنا إنو عم الشَّيخ بيدعي يعني .

الشيخ : لا والله أنا إنسان عادي .

السائل : أيوا .

الشيخ : لكن على كل حال واجبنا أن نتعاون مع إخواننا المسلمين .

السائل : الله يخليك .

الشيخ : بكل شيء عل الأقل أن ندعو لهم .

السائل : الله يخليك يا عمي محمد .

الشيخ : بالشفاء العاجل في الدنيا والأخرى .

السائل : الله يبارك فيك مهاي هي الدنيا رايحة .

الشيخ : هذا هو .

السائل : والله للآخرة وبقول الحمد لله على قضاء الله .

الشيخ : الله يعافيه إن شاء الله .

السائل : الله يسلمك الله يخليك .

الشيخ : أهلًا وسهلًا .