الشيخ : نعم
لسائل : السلام عليكم

الشيخ : وعليكم السلام والله يا شيخ بدي أسألك سؤال في واحد تزوج من واحدة كانت مطلقة وكان ما عنده اثبات أنها مطلقة فحكى للقاضي أنها غير مطلقة وأنها بكر فما حكم هذا الكتاب يعني ؟

الشيخ : هاي بدها قضاء بارك الله فيك ما بدها فتوى

السائل : كيف يعني قضاء ؟

الشيخ : بدها دراسة قاضي يعني بدها استجواب واستنضاف ، هي عادة اللي بصير إنه الواحدة بتكون متزوجة وتدعي أنها بكر وإذا بتطلع غير بكر أما هون بالعكس بدنا نعرف بقى ليش قالت إنه هي مطلقة وطلعت بكر ؟

السائل : سيدي لأن البنت جاية من بعيد من كندا فالإثبات كان معها ، وإذا كانت بدها تتزوج بدهم الإثبات هذا كان لازم تروح لكندا وترجع بس هي يعني عدتها منتهية من زمان فالشاب فكر أنه يعني ما في حرج أنه يحكي للقاضي أنها بكر لأنه يعني بدهوش يعني يستحل الحرام فبس أنه مجرد أنها كذبة يعني مش عارف فشو رأيك شيخ

الشيخ : كيف يعني ما بدو يستحل الحرام ، شو الحرام في الموضوع ؟

السائل : مش ... يعني هو مفكر أنه مجرد أنه حكى أنها بكر يعني هون الحرام .