الشيخ : هو في جبل وأنا في جبل أو هو في منطقة وأنا في منطقة إذا أنا غربت الشمس علي قبله هو أو العكس كيف السبيل لمعرفة أنه غربت هنا ما غربت هناك ؟ كيف السبيل أليس هو المشاهدة ؟ طيب ليش هو الآن بيكلفنا أن نحن نتبنى قوله المجهول عندنا أنه هو شاف الشمس قبل ما شفنا نحن وأنا حكيت لك الواقع أم اليسر اتصلت معي طيب الآن بنقول أبو منير اتصل معنا وخبر أبو منير طابق خبر أم اليسر صح .

السائل : نعم .

الشيخ : طيب ، فنحن من الذي يكلفنا أن مثلًا نحرم على أنفسنا صلاة الفجر والشمس لما تطلع بعد بأي حجة ؟

السائل : شيخنا ، بيقول إنه لو نحن صح لم نراها أمامنا الشمس قال لكن ممكن أن نستدل على خروجها في منطقتنا بعلامات إنه لو نظرنا إلى الجهة الأخرى لوجدنا انعكاس الشمس على البيوت قال فتحقق ذلك أن الشمس قد طلعت وإن لم نرها .

الشيخ : طيب هذا اسمه طلعت الشمس علينا .

السائل : قال هو طالعة بس نحن ما رأيناها لأنه حال بيننا وبينها حائل .

الشيخ : يا جماعة سبحان الله الشمس يا أخي ما تغرب طيب شو اللي حال بين ، هو مثلًا قبل ما يشوف الشمس شو اللي حال أن يراه ؟ قبل ما يشوف لماذا لم يره ؟

السائل : الأفق الطويل مما طلعت ...

الشيخ : اللي حال هو اللي حال عندي العلة وحدة بس أنا الجبل اللي عندي أعلى الجبل عنده أوطى هلا أنا بطور شايف هالخط الأفقي هذا الشمس تطلع من هون شوف هلا هيك أنا هون وهو هون هو راح تطلع الشمس قبل هون طيب فأنا بقول هون لما ما طلعت الشمس عليه ما الذي حال بينه وبين أن يرى الشمس القمة هذه إيه ؟ لكن اللي بيكون هون بيشوف الشمس قبل اللي هون شو الفرق بينا وبينه .

السائل : ما في .

الشيخ : العلة وحدة يعني أمر عجيب جدًّا أنه يصير فيه مناقشات في مثل هذه الأمور البدهية ما دام نحن متفقين على أنه الشمس لا تغيب عن الأرض إذن كما قال - تعالى - : رَبِّ الْمَشَارِقِ وَالْمَغَارِبِ ؛ لأن كل لحظة فيه مشرق كل لحظة فيه مغرب ففي هذه اللحظة التي أشرقت على ناس لسه ما أشرقت على ناس فهل نكلف كل الناس في حالة شروق الشمس على ناس إن كل الناس لازم نفترض أنها أشرقت عليهم إذن هي مشرقة على الناس دائمًا وأبدا وراح نقع بقى في حيصة بيصة ؛ إذًا هي غاربة عن الناس لأنها غربت عن بعضهم فهي غربت عن كلهم هذه سفسطة لذلك كل الناس كل بلد إله مواقيتهم الشرعية لما تتوسط الشمس في وسط السماء عندنا نحو الغرب لسه ما توسطت فهل اللي نحو الغرب لازم مثلًا يقولوا توسطت الشمس وسط السماء فصارت مكروهة الصلاة وزالت شوي وصارت وقت الكراهة لازم نوحد بقى المواقيت من يقول هذا الكلام ؟

السائل : حتى هو نفسه بالفجر يعني لا يرى أنه نتبع فجر سوريا ونتبع فجر أنه كل واحد حتى يشاهد الفجر .

الشيخ : هذا هو فشو الفرق بين هاي وهاي شيء غريب جدًّا .