السائل : طيب ليش عم نضل إنه مصممين على إنه نعاملها معاملة الذهب لأنه عم يقع فيها الإحراج لكل المسلمين

الشيخ : لأنه لسببين اثنين:
أولا هذا هو الأصل فيها
وثانيا لأنه لا يمكن أن نتعامل بعملة ورقية إلا على اعتبار قائم في الأذهان وإلا قدم أنت أي ورقة لا تعتبر إلا إذا كان فيه هناك اعتبار لها قد الاعتبار موجود

السائل : ...

الشيخ : نعم

السائل : قائم بالأذهان عند قلة نادرة من البشر وإلا أكثر الناس لا بتهمه إنه هذه قائم تعادل ذهب هي عملة وبيعرف حالوا إذا اشتغل بيأخذ هالفلوس يعني الواقع إنه العالم ماهي فاهمانة إنه هذه تعادل ذهب وإلا ما تعادل ذهب اللي عم يبحث في هذه المسألة وموجع رأسه قلة من الناس قلة نادرة أمثالك

الشيخ : ليش لأنه الناس ما بيسألوا حرام حلال ماشية أشغالهم ظلم

السائل : وأنا هذا الأخ صدقني منذ سنتين ثلاثة وبحثت كثير سألت بتوع الاقتصاد يعني كل واحد معبي مركز يعني

الشيخ : إي بس أنت بأى بدك تريح حالك

السائل : ما وصلوا إلى شيء يقولوا لي

الشيخ : معليش مو أنت سألتهم من ناحية اقتصادية

السائل : بس الناحية الاقتصادية

الشيخ : معليش معليش طول بالك اسألهم بأى الناحية الفقهية ولا تقول هذول ماهم فقهاء لا تقول ما هم فقهاء لأنه كما قال عليه السلام إن الحلال بين والحرام بين وبينهما أمور مشتبهات فإنسان أنت عطيته ألف دينار ثاني يوم لعبة سياسية كما أشرت آنفا أو حرب قامت بين دولة ودولة هبط فجأة

السائل : نعم

الشيخ : يجي الرجل بيعطيك إياهم بأرخص الأثمان الاقتصادي هذا اللي فسر لك الموضوع بهذه الفلسفة بيقبل يأخذها بنفس العدد

السائل : نفس الأعداد

الشيخ : بنفس الأعداد ما بيقبل ما بدها واقع هي إذن هو خليه يحلها اقتصاديا شو اللي دار في ذهنه إنه ما يقبلها أي هالعوامل اللي عدّها هو وجعلها مؤثرات

السائل : أنا أحكيك لك بأى واحد اقتصادي

الشيخ : إيه

السائل : ديني ذهب صافي ونزل قيمة الذهب كان كيلو الذهب بسبعة وخمسين ألف

الشيخ : طيب

السائل : صار أربعين ألف شلت الذهب أعطيه إياه ما رضي يأخذه ذهب

الشيخ : شو بده

السائل : قال عطيتني إياه بعد ما صار أربعين ألف أنا قلت طيب يا أخي لو زاد أنا عم بعطيك ذهب عملة ثابتة قال لا أنا عطيتك إياه بسبعة وخمسين ألف ريال

الشيخ : طيب اقلبها عليه أنت شوف شو بيقول لك اقلبها علي لو إنه غلي الذهب وصار بدل الخمسين صار مئة

السائل : إيه

الشيخ : بترضى بخمسين

السائل : قلت لو كان احتمال الزيادة كنت بتأخذه يعني قال لي والله أنا ما بدي زيادة بالدرهم بدي لما بيصير وبالفعل كتبنا ورقة بيناتنا إنه أوفيه الذهب لما يصير السعر تبعه وهذا إيش خبير كبير وتناقشت أنا عم بقول لك

الشيخ : بس هذا ماهو خبير أبدا

السائل : والله

الشيخ : ماهو خبير أبدا بدل ما يخليه مخبى عند المدين يأخذه يخبيه هو لأنه هو شو سوى هلا استنى لمضى سنة شهر اللي هو نفس البضاعة اللي قدمت له إياها قبل شهر أعطيته إياها بعد شهر هذا خبير هذا ...