الطالب : السلام عليكم .

الشيخ : وعليكم السلام أهلًا .

السائل : فما ندري نحن نقول اللي من قال لا أدري فقد أفتى .

الشيخ : أدري أدري يبقى الإنسان لا يدري .

السائل : لا يتعلم .

الشيخ : إيه أدري شوف الشمس غربت ولا لا .

السائل : الشمس اللي قدامنا غربت لكن بيجوز اللي ورانا في ... يشوفوها .

الشيخ : ونحنا بنحكي عن اللي ورى ولا اللي قدام .

السائل : إحنا بدنا يعني عالظاهرية يا شيخ جزاك الله خير وبارك الله فيك .

الشيخ : ما شاء الله ما شاء الله هي بدها محاضرة طويلة .
الطالب : هلا طلعت أنا بقول له أنت بتشوف الشمس هون قال لا إحنا ما بنفطر عالشمس قال نحن بنفطر على الأذان بنروح المسجد .

الشيخ : وهل مثله يقول هذا الكلام .
الطالب : مو الآن .

السائل : ما قلت بنفطر مع الأذان إحنا بنفطر في المسجد وقت يأذن الله يعافيك يا أبو عبد الله انقل كلامي مزبوط أنا أنقل للشيخ .

الشيخ : أنا بأيده أنه كلامه حق يعني .

السائل : نعم .

الشيخ : ولو ما سمعنا منك شو الفرق الآن بينك وبينه هات لنشوف .

السائل : أنه هناك يعني في مسلمين وفي ناس .

الشيخ : وين هنيك .

السائل : في المسجد .

الشيخ : أنه .

السائل : بنفطر مع المسلمين ومع الناس ... من الفتنة .

الشيخ : لو فطرت هون مع المسلمين .

السائل : ما في شي بنفطر إذا فطرنا في البيت قدمنا شوية .

الشيخ : وحدة وحدة لو فطرت هون مع المسلمين .

السائل : وين هون .

الشيخ : هون في بيتك .

السائل : ما بيشوفونا الناس مافي فتنة إن شاء الله ما نخشى فتنة .

الشيخ : نحنا هلا عم نحكي عن الفتنة عم نحكي عن وقت الإفطار الشرعي شفته ولا ما شفته .

السائل : شفته .

الشيخ : طيب حل الإفطار .

السائل : حل الإفطار .

الشيخ : بتفطرنا هيك بنتخبا هيك جدار .

السائل : هههه ما في مانع بس حطينا التمر هناك ... جزاك الله خير .
الطالب : الشمس الآن غابت .
طالب آخر : كان في المسجد .
الطالب : الأذان في دقائق معدودة راح ربعه قال ما بصوم رمضان ... .

السائل : هل يفطر الصائم يا شيخ .

الشيخ : أي كيف لا .

السائل : الآن الأفق في الجبل .

الشيخ : شوف الليل .

السائل : طول الليل .

الشيخ : هي الليل الدكتور كمان بيحكي هيك .

السائل : الله يجزيك الخير .

الشيخ : لا حول ولا قوة إلا بالله .

السائل : الجبل لأنه الجبل .

الشيخ : الله يهديك الله يهديك .

السائل : آمين اللهم آمين .

الشيخ : إحنا كنا عم نحكي شوف الليل أنت بتقول وين الليل .

السائل : أنا ما رأيت ليل .

الشيخ : الله يهديك .

السائل : آمين .

الشيخ : طيب أنت هلا بتذكرني بقصة الحزبي هذاك هاللي بيقول أنه النظر لصورة المرأة يجوز أما النظر للمرأة هيك مواجهة ما بيجوز فأنا كنت بقول زعموا بأن شابا قام يتهيأ للانصراف للمدرسة ووقف أمام المرآة صار يغسل وجهه يسرح شعره إلى آخره فرأى خيالا في المرآة طل هيك وإذا جارته هنيك تلميذة كمان في المدرسة عم تسرح حالها وإلى آخره بيطلع هيك يشبع غريزته الجنسية هذا حلال .

السائل : حلال .

الشيخ : أما إذا عمل هيك حرام لك يا أخي الصورة واضحة فالآن ترى النور هنا .

السائل : أي نور أي نور .

الشيخ : تراه هنا .

السائل : لا ما أراه .

الشيخ : طيب .

السائل : هذا هو النور يعني عفوا .

الشيخ : اسمع الله يهديك .

السائل : بدنا نتعلم نعم جزاك الله خير .

الشيخ : ترى النور هذا .

السائل : نعم أراه .

الشيخ : طيب تراه هنا .

السائل : لا ما أراه .

الشيخ : هذه الظلمة هنا تراها وقف حمار الشَّيخ في العقبة .

السائل : أراها .

الشيخ : طيب سميها آ .

السائل : نعم .

الشيخ : أنا مسايرة إلك ما راح أسميلك إياها ظلمة سمّيها أنت من عندك .

السائل : يعني قريب من الظلمة .

الشيخ : ها قريب من الظلمة .

السائل : نعم .

الشيخ : أنا بقول قريب من ظلمة ماشي .

السائل : نعم نعم .

الشيخ : وتكلم عن يقين .

السائل : نعم .

الشيخ : أنت تتكلم عن يقين .

السائل : نعم أتكلم عن يقين .

الشيخ : مش مسايرة للشيخ .

السائل : لا ماهو مسايرة للشيخ .

الشيخ : طيب هذا الذي تسميه بأنه قريب من الظلمة تراه هنا .

السائل : لا ما أراه .

الشيخ : أي هذا الذي قال عنه الرسول - عليه السلام - : "إذا أقبل الليل من ههنا" أقبل الليل مش دخل الليل ، "أقبل الليل من ههنا ، وأدبر النهار من ههنا" أدبر النهار شايفه عم يولِّي شوية شوية "وغربت الشمس ؛ فقد أفطر الصائم" يا جماعة اتقوا الله عم تضيِّعوا الناس إنتو بهالتشويش .

السائل : ... الآن لأنه جبل لو أنه في الصحراء أنا شفتها في الصحراء في السعودية وأنا ماشي أرى الشمس فعلًا تنزل تفضل .